STEP 1: Home
Home page pe aapko apne order related puri jankari dikhegi.
Aap dekh sakte hain ki kitne order pending hain, kitne pick hue hain, kaun sa order out for
delivery hua hai, kaun sa order customer ko deliver hua hai, kaun sa order customer ne
cancel kiya hai, ya kaun sa order aapne cancel kiya hai.
Saath hi, kya refund hua hai aur kaun se order pick kiye gaye hain—aapke order related puri jankari aapko yahan mil jayegi.
Step 2: Product ko kaise upload kare [ITEMS]
Eatlaza Partner app open karne ke baad Home ke bagal wale option “Items” par click karna hai.
Click karne ke baad aapko 2 option milenge:
Add New Item
Import Items
Agar aap khud ka new product upload karna chahte hain, to Add New Item par click karein.
Aur agar aap pehle se app par upload product ko apni shop me list karna chahte hain, to
Import Items par click karein.
[A]: Add New Item >>
product ke baare me bataye, jaise ki naya item add karne ke liye yahan aapko Item Name me
apne product ka naam batana hai.
Uske baad aapko select karna hai ki aapka product veg hai ya non-veg, kis type ka product hai.
Iske baad aapko yeh batana hai ki aap kitni der me product prepare kar lenge, uski timing add
karni hai.
Saath hi, agar aap discount dena chahte hain to woh bhi yahin add kar sakte hain. Discount
calculate karne ke liye yahan calculator ka option bhi mil jata hai.
Isi ke niche, agar aap apne customer se tax lena chahte hain, to woh option bhi select kar sakte
hain.
Sab kuch sahi se fill karne ke baad, aapko Next par click karna hai.
Variants banaye >>
Yahan aapko apne product ka variant banana hai.
Jaise ki aapke small size product ka price kya hai, aur wahi product medium ya large size
me kitne ka hai—har size ke liye alag-alag variant bana lena hai aur price likh lena hai.
Add-ons >>
add-ons section me aapko product ke sath di jaane wali cheejon ko add karna hai, jaise tomato
ketchup, meethi dahi, ya phir lalmohan ya koi bhi mithai.
Agar aap chaho to iska paisa bhi apne customer se le sakte ho.
Aur agar aapko add-ons section me kuch bhi add nahi karna hai, to aap is step ko skip bhi kar
sakte ho.
Image upload kare >>
Apne product ka image upload kare.
Ya to aap apni gallery se image upload kar sakte ho, ya phir wahan aapko pre-uploaded images
bhi mil jayengi.
Wahan se image add karne ke liye Select Media par click kare.
Last >>
All set ho jaane ke baad aapko Send for Review par click karna hai.
Is tarah se aapka product upload ho jayega aur customer ko visible hone lagega.
[B]: Import Items >>
Import item par click karne ke baad aap pehle se uploaded product ko apni shop par add kar
sakte hain.
STEP 3: Finance sector ki puri jankari [Finance]
Finance pe click karne ke baad aapko yahan total income, kitne order hue, aapke delivery
boy ko kitni tip mili, aur overall aapke business related puri jankari mil jayegi.
Iske alawa, is section me aap pichhle month, pichhle week, ya aaj ke din ka poora hisaab bhi
dekh sakte hain.
Step 4: Apne business ki puri jankari dekhe aur
set kare [Business]
Yahan pe aap apne business ki puri setting dekh sakte hain aur set bhi kar sakte hain, jaise ki:
Feedback
[A]: Complaints >>
Yahan aap apne customer ke complaints dekh sakte hain.
Saath hi, aapko customer se deal karne ka poora access milta hai. Aapko khud apne
customer se baat karni hoti hai aur customer ko kya dikkat hai, uski poori samasya sun
kar uska hal nikalna hota hai.
[B]: Reviews >>
Is section me aapko customer dwara di gayi reviews dikhegi, jaise ki aapke dwara pahunchaye
gaye order ki rating, aapki shop ke items ki rating, ya aapke dwara banaye gaye kisi bhi
product ki rating. Yeh saari information aapko isi section me mil jayegi.
Yeh saari reviews aur ratings aapke business ko affect karti hain. Yeh sab aane wale customers
ko bhi visible hota hai, aur Eatlaza ki team bhi isko monitor karti hai.
Isliye apne customer se puchiye ki kya sahi hai aur kya nahi, aage kya sudhaar kiya ja sakta hai,
aur unse review aur rating dene ke liye bolein.
Yeh sab karne se agla customer aapke store ki reviews aur rating dekh kar trust ke saath order
karega, jisse aapki sale badegi aur repeated customers aayenge.
Offers
COUPONS >>
Yahan aap apne customer ke liye khud se discount coupon tayaar kar sakte hain.
Yahan coupon banana bahut aasan hai. Aapko bas plus (+) symbol par click karna hai.
Uske baad coupon ka code likhna hai — aap kuch bhi likh sakte hain, jaise Diwali ke liye,
new customer ke liye, ya jo bhi aapko sahi lage.
Phir minimum kitne amount ke order par aap discount dena chahte hain, woh enter karna hai.
Uske baad sabse last me kitna percent discount dena hai, woh likh dena hai.
Finally, Add Coupon par click karein — aur is tarah se aapka coupon tayaar ho jayega.
Update Business
Yahan business info se aapko business related saari jankari mil jayegi, aur aap chaaho to yahan
se koi naye sudhaar ya business me koi bhi badlav kar sakte ho.
Business media se aap apni shop ka photo update, shop ka licence upload, aur apna logo
change kar sakte ho.
Iske baad aap Address par click karke apni shop ka address add ya change kar sakte ho.
Last me, aapko poora control milta hai apna khud ka payment gateway lagane ka.
Agar aapke paas khud ka gateway nahi hai, to aap Cash on Delivery bhi set kar sakte ho—payment aapko khud customer se lena hoga.
Contact
Agar aapko kuch bhi samajhne me ya kisi bhi prakaar ki koi samasya aa rahi hai, to aap
Contact Us par click karke apni problem likh kar bhej sakte hain.
Iske alawa, aap email ke through bhi contact kar sakte ho.
Saath hi, WhatsApp aur call number ki suvidha bhi uplabdh hai.
News & Updates [Blogs]
Aap is section pe click karke news aur blogs padh sakte hain.
Yahan par time to time saari jankari milti rehti hai.
Aap yahan se apne business ko kaise run karna hai, apne business ka setup kaise karna hai—yeh sab kuch dekhne ko mil jayega.
STEP 5: Settings
Settings section ke andar aapko apna naam dikh jayega, aur aap usko change bhi kar sakte hain.
Iske alawa, aapko jo language pasand ho woh set kar sakte hain, jaise Hindi, English, ya apni
suvidha ke hisaab se koi bhi language select kar sakte hain.
Agar aapko apne product ko online sell karne me ya apne online business related koi bhi
problem aati hai, to aap Support par click karke apni problem Eatlaza team ke saath share kar
sakte hain.
Aap yahan par company ki privacy policy bhi padh sakte hain, saath hi app ko update kar sakte
hain.
Aur agar aapko log out karna ho, to yahan se log out bhi kar sakte hain.
0 Comments