Time badalne ke saath-saath aaj ka market bhi badal chuka hai. Jahan pehle ke jamane me log
koi bhi saman lene ke liye ek specific time nikalte the — jaise Sunday ko ya phir koi date nirdharit
karte the ki hum us din market jayenge aur saman ki kharidari karenge — wahi aaj log ghar baithe
-baithe online order karke, kapde ho ya grocery ho ya phir koi bhi saman ho, sab kuch online
kharidari karke apne ghar mangwa lete hain.
Hum baat un bade shahron ki nahi kar rahe hain, hum baat chhote shahron ya phir gaon ki kar
rahe hain. Aajkal online suvidha har jagah ho gayi hai aur insaan ka jeevan itna bhagdaud bhara
ho gaya hai ki koi bhi apna kimti time nikal kar market ki taraf bhagna nahi chahta.
Isliye aaj ke time me business bada ho ya chhota ho, ya phir kisi business ka startup ho, sabko
online aana bahut zaruri ho gaya hai. Kyunki aaj ka market bade-bade mall, complex ya bazaron
me nahi, balki insaan ke haath ki ungliyon me aa chuka hai. Uske ek click karte hi saman minutes
me uske ghar pahunch jata hai.
Customer tak aasani se pahunchna
24×7 business open rehta hai
Online business hone par woh business din aur raat dono time chalu rehta hai. Customer ko
suvidha mil jaati hai ki woh apni pasand ka saman dekh sakta hai aur pasand kar sakta hai. Saath
hi, woh online shop par order bhi laga sakta hai, jisse sale ke chances badh jaate hain, bina extra
mehnat ke.
Kam kharcha, zyada fayda
Offline shop chalane me kiraya, bijli, staff aur maintenance ka kharcha kaafi hota hai. Saath hi, yeh
bhi bahut maayne rakhta hai ki aapki shop ki location kya hai. Agar market me shop hai to phir
theek hai, lekin agar market se hat kar hai to sales par iska bahut asar padta hai.
Jabki online business me is baat ka koi farq nahi padta ki aap front side ho ya back side se business
start kar rahe ho. Aap kam investment me acchi shuruaat kar sakte ho.
Business ki pehchan banti hai
Jab aapka business online hota hai, dheere-dheere log aapko jaanne lagte hain. Saath hi, customer
ki rating aur reviews aane se agle customer ko bhi bharosa ho jata hai ki yahan se product quality
ka milta hai aur aapki service acchi hai. Jisse next customer aapse aasani se jud jata hai.
Customer ka bharosa
Aajkal customer kuch bhi kharidne se pehle Google par zarur search karta hai. Agar aapka
business online hai aur rating, review sab kuch accha hai, proper information available hai,
to customer ka trust automatically badh jata hai. Jis se aapka relation customer ke saath long
term ke liye build ho jata hai, jo ki aapke business ke liye bahut important hai.
Competition me aage aane ka mauka
Aaj ke time me jo business online hai, wahi competition me aage hai. Badalte time ke saath online
aana ek smart decision hai.
Bade-bade e-commerce business aaj ke time me home delivery jaisi suvidha dene ke saath hi
customer service ko ek alag hi level par le ja kar competition ko kaafi tough bana chuke hain
offline business ke liye. Aise me sabhi business ko badalte time ke saath apne business ko online
lana bahut zaruri ho jata hai.
Real-life example
Maine apne area me ek grocery shop ko dekha, jo pehle sirf offline saman diya karta tha. Is wajah
se uski shop par kaafi bheed hoti thi aur uske paas saman ka price batane tak ka bhi time nahi hota
tha. Woh kaafi mehnat karta tha, saath hi uske ghar wale bhi usi shop ko manage karne ke piche
kaafi pareshaan rehte the. Phir bhi customer service bilkul bhi manage nahi ho paati thi.
Baad me us shop wale ne apni inventory Eatlaza app par maintain karni shuru ki, jisse uski shop
ke saman ke price online visible ho gaye. Saath hi, uske customer ko online order karne ka platform
mil gaya. Isse us shopkeeper ka lifestyle kaafi badal gaya. Jahan pehle woh gala phaad-phaad kar
customer se pooch-pooch kar ek-ek saman nikalta tha, wahan ab woh ek saath saare saman ka
order Eatlaza app par online le leta hai.
Aaj uske customer ghar baithe saman mangwa lete hain. Saath hi, woh shopkeeper jahan pehle din
ka 15 se 16,000 ka sale kar paata tha, aaj woh bahut hi smoothly 22 se 25,000 tak ka daily business
kar leta hai. Yeh example clearly batata hai ki online presence kitni powerful ho sakti hai.
Conclusion
Aaj ke digital yug me online aana koi option nahi, balki zaroorat ban chuki hai. Chahe business
chhota ho ya bada ho, agar woh online hai to uske grow hone ke chances kaafi badh jaate hain.
Isliye har businessman ko chahiye ki woh apne business ko online Eatlaza platform par zarur
laaye aur future ke liye apne business ko secure kare.
0 Comments